Սոցիալական ցանցերից կախվածության և ագրեսիվ վարքի փոխհարաբերակցությունը

ABSTRACT

Ներածություն. Սոցիալական ցանցերը, լինելով ժամանակակից մարդու կյանքի անբաժան մասը, հնարավորություն են տալիս շփվել ընկերների և բարեկամների հետ, փոխանակվել տեղեկատվությամբ, կիսվել նորություններով, ինքնարտահայտվել: Այնուամենայնիվ, սոցիալական ցանցերն ունեն իրենց բացասական կողմերը և կարող են առաջացնել կախվածություն (ՍՑԿ)։
Նպատակ. Հոդվածի նպատակն է բացահայտել, թե արդյոք ՍՑԿ-ն կարող է հանդիսանալ ագրեսիվության առաջացման պատճառ։
Մեթոդներ. ՍՑԿ խնդիրը հատկապես անհանգստացնում է ծնողներին, ուսուցիչներին, հոգեբաններին և բժիշկներին։ Վերջիններիս հատկապես անհանգստացնում է դեռահասների կողմից չափից շատ առցանց ժամանակի անցկացումը։ Հետևաբար, հետազոտության համար թիրախային խումբ է ընտրվել 12-17 տարեկան անձինք։ Մասնավորապես, հետազոտությանը մասնակցել է 165 անձ՝ 90 աղջիկ և 75 տղա։ Հետազոտությունն իրականացնելու համար կիրառվել է Յանգի «Համացանցային կախվածության թեստը», հոգեբանական զրույցի մեթոդը, Իլյինի-Կովալյովի «Անձնային ագրեսիվություն և կոնֆլիկտայնություն» մեթոդիկան։
Արյունքներ. Հետազոտության արդյունքում պարզվեց, որ ՍՑԿ-ն դեռահասների շրջանում բարձր է՝ 65%: Հետազոտության մասնակիցները ակտիվորեն կիրառում են սոցիալական ցանցերը շփման նպատակով։ Հետազոտությունը նաև հաստատեց մեր սկզբնական վարկածը. ՍՑԿ ունեցող դեռահասների մոտ ավելի բարձր է անձնային ագրեսիվությունն ու կոնֆլիկտայնությունը՝ ի տարբերություն այն դեռահասների, որոնց մոտ բացակայում է ՍՑԿ-ն։
Եզրակացություն. Այս հոդվածն ունի կարևոր գործնական նշանակություն, քանի որ ՍՑԿ-ն համեմատաբար նոր երևույթ է, և ժամանակակից գիտական գրականությունը այս հարցի վերաբերյալ սակավ է: Բացի դրանից, Հայաստանում ՍՑԿ և արգեսիայի փոխհարաբերակցությունը նախկինում ուսումնասիրված չէ։